Облыста бірқатар қызмет көрсету нысандарына карантин талаптары жеңілдетілді

«Маңғыстау облысының Бас мемлекеттік санитариялық дәрігерінің облыс аумағындағы карантиндік шектеу шараларын қатаңдату туралы» 2021 жылғы 15 шілдедегі №14 Қаулысының №1 қосымшасына («ASHYQ» жобасына қатысушы кәсіпкерлік нысандарға қатысты) өзгерістер енгізілді.

Бұл туралы ҚазАқпарат COVID-19 таралуына жол бермеу жөніндегі ведомствоаралық комиссияның Telegram каналына сілтеме жасап хабарлайды.

«Маңғыстау облысының Бас мемлекеттік санитариялық дәрігерінің жаңа №17 Қаулысы бойынша өңірдегі бірқатар қызмет көрсету нысандары үшін карантин талаптары жеңілдетілді.

Бұдан былай өңірдегі «ASHYQ» жобасының көшбасшылары түнгі сағат 00.00-ге дейін қызмет көрсетеді»,-делінген хабарламада.

Бұған дейін өңірдегі барлық бизнес нысандары 20.00-ге дейін кәсібін жүргізуге міндеттелген.

Қазіргі таңда облыс аумағында «ASHYQ» жобасына 2093 қатысушы тіркелген. Олардың ішінде 86 нысан «ASHYQ» көшбасшысы ретінде танылды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.