Қайырымдылық – қайырлы іс

Қайырымдылық – халқымыздың ең ізгі қасиеттерінің бірі. Сауабы мол іске ат салысу – әрбір адамның азаматтық парызы. Мұқтаж отбасыларға қолдау көрсетуді мақсатымыз деп санайды сержанттар.

2021 жылғы 1 шілдеде Қазақстан Республикасының Қарулы Күштері «Сержант күнін» атап өтеді. Биыл сержанттар корпусының құрылғанына 25 жыл.

Мерекеге орай Ақтау гарнизоны теңіз жаяу әскери бригадасының 150-ге жуық сержанты спорттық сайыстар ұйымдастырып, 25 шақырымға жүгіріп жарысты. Сонымен қатар, олар өңірдегі аз қамтылған, көмекке мұқтаж 25 отбасыға қажетті азық-түлік апарып берді.

- Бүгін біз әр түрлі әлеуметтік топ өкілдеріне азық-түлік алып беріп қолдау көрсеттік. Оның ішінде жалғызбасты қариялар мен көпбалалы отбасылар, мүмкіндігі шектеулі жандар мен тұрмысы төмен отбасылар бар. Арнайы барып, жағдайларымен таныстық, - деді теңіз жаяу әскері гвардиялық бригадасының 1-сыныпты сержанты Саят Исабаев.

«Жұмыла көтерген жүк жеңіл» деген қазақта жақсы сөз бар. Теңіз жаяу әскері гвардиялық бригадасының қызметкерлері мұндай қайырымдылық шараның алдағы уақытта да жалғасын табатындығын жеткізді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.