Маңғыстау облысында Sun Finance Cup турнирі өтті

26 маусым күні #АуылФутбол жобасы аясында Ақтауда ауыл балаларына арналған Sun Finance Cup 2021 алғашқы турнирі өтті. Турнирге 8 команда қатысты, деп хабарлайды mangystaumedia.kz.

Кубокты Ақшұқыр ауылының «Aqshukyr» командасы иеленді. Күмісті Ақтауға жақын орналасқан Қызылтөбе ауылының командасы жеңіп алды. Үшінші орынға Ақтөбе облысындағы «Aqkol» футбол клубы ие болды.

Командалар алаңда мотивация мен жекпе-жекке деген адалдықтың жоғары деңгейін көрсетті. Аптап ыстыққа қарамастан жас футболшылар үлкен ынтамен және қызығушылықпен ойнады.

«Біз турнирге қатысу үшін Ақтөбе облысынан келдік. Біз Sun Finance пен АуылФутбол жобасына осындай мүмкіндік үшін және балаларға сыйланған эмоциялар үшін алғыс айтамыз», - дейді «Aqkol» футбол клубының жаттықтырушысы Дастан Бисембаев.

Жүлделерден басқа, #АуылФутбол және Sun Finance өкілдері Sun Finance Cup турнирінің ең сұрмергені, қақпашысы, қорғаушысы, шабуылшысы және ойыншысын марапаттады.

Ең үздік бомбардир - Қуатқали Адай (Aqshukyr)

Ең үздік қақпашы - Жақай Айбар (Aqshukyr)

Ең үздік шабуылшы - Мақсатұлы Диас (Aqshukyr)

Ең үздік қорғаушы - Нұрланұлы Жанатбек (Aqkol)

Ең үздік ойыншы - Аманжол Мейрамбек (Қызылтөбе)

«Көптеген ауылдарда арнайы алаңдар, спорттық жабдықтар, білікті жаттықтырушылар мен әдіскерлер секілді қажетті инфрақұрылым жетіспейтіндігіне қарамастан, балалар жақсы деңгейде ойнады. Негізінде барлығы энтузиасттардың арқасында жүзеге асады. Біз өз кезегімізде ауылдық клубтарға ең қажетті нәрселерді беруге тырысамыз: доптар, спорттық киім және спорттық жарыстарда тәжірибе жинау мүмкіндігі. Маңғыстау облысындағы турнир - біз Sun Finance арқасында биыл өткізетін бес турнирлердің бірі. Келесі айда кубок Ақтөбе облысында ойналады», - деді жоба жетекшісі Серік Мәмбетов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.