Маңғыстауда кеше коронавирус жұқтырғандар саны өсті

Бұл туралы Қоғамдық коммуникация орталығында өткен брифингте Маңғыстау облысы санитариялық-эпидемиологиялық департаментінің басшысы Ғазиз Надуев айтты, деп хабарлайды mangystaumedia.kz.

Оның айтуынша, 17 наурыз күні өңірдегі коронавирус инфекциясы бойынша репродуктивті көрсеткіш 1,05 құрады. Осыған дейін бұл көрсеткіш 0.6, 0.7 болған.

«Өкінішке орай, осы күні арнайы көрсеткішіміз 1-ден асып тұр. Бұл, негізінен, тұрғындарымыздың бұрын-сонды індетті жұқтырғандармен тығыз қарым-қатынаста болуынан туындап отыр. Маңғыстау облысы жасыл аймақта болғанымен, коронавирус инфекциясы әлі кеткен жоқ. Қауіп бар. Сол себепті күнделікті санитарлық талаптарды ұстанып, әлеуметтік арақашықтықты сақтау қажет. Аса маңызды болмаса қоғамдық орындарға бармаған абзал», - деді Ғазиз Надуев.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.