Ақтауда азық-түлік бағасына мониторинг жүргізілді

Кеше Маңғыстау облысы әкімінің орынбасары Бекбол Орынбасаров және облыстық кәсіпкерлік және сауда басқармасының басшысы Жанна Тоқбаева бастаған жұмыс тобы Ақтау қаласында орналасқан ірі сауда желілеріне әлеуметтік маңызы бар азық-түлік тауарларының бағасына мониторинг жүргізді, деп хабарлайды mangystaumedia.kz сайты Маңғыстау облысы әкімінің баспасөз қызметіне сілтеме жасап.

Жыл басынан бері жалпы еліміз бойынша азық-түлік бағасының көтерілгені байқалған. Ж.Тоқбаеваның айтуынша, мониторинг кезінде анықталғандай, өткен аптамен салыстырғанда кейбір азық-түлік бағасында өсім жоқ.

Жұмыс тобы "Дина", "Анвар", "Дана", "Алтын фуд" гипермаркеттері мен супермаркеттер иелеріне азық-түлік бағасын негізсіз өсірмеу жөнінде нақты тапсырмалар берді.

«ҚР Үкіметі әлеуметтік маңызы бар азық-түлік тауарларының бағасын тұрақтандыру бойынша «Жол картасын» жасақтаған болатын. Аталған «Жол картасы» бойынша осы наурыз айынан бастап облыста 44 шараны жүзеге асырамыз. Азық-түлік тауарларының бағаларына мониторинг жасау мен азық-түлік өндірушілерін қолдауға басымдық беріледі», - деді Ж.Тоқбаева.

Суреттерді түсірген Серік МАЙЕМЕРОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.