Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Ақтау қалалық Бекет ата мешітінің ұйымдастыруымен "Жомарт жүрек" шарасы өтіп жатыр. Қасиетті жүманың құрметіне, "Маңғыстау-Басқұдық-Ақтау" қоғамдық көлігінің екі маршруттық автобусы бүгін тегін қызмет көрсетеді. Таңғы сағат 06.00-ден кешкі сағат 21.00-ге дейін қалааралық автобус жолаушыларды ақысыз таситын болады. Бұл туралы Ақтау қалалық Бекет ата мешітінің баспасөз қызметі хабарлады.
⁃ Бүгін еліміздің "жасыл" аймақтарындағы мешіттерде көптен күткен жұма намазы оқылады. Осы күнді жамағат сағына күтуде. Дін бойынша күндердің сұлтаны-жұмада мұсылман баласы Аллаға разылық етіп, шүкіршілік етеді екен. Бұл күні ізгі тілектер орындалады, сондықтан игі істер көбірек атқарылуы тиіс, - дейді Ақтау қалалық Бекет ата мешітінің бас имамы Құрбанбек Абдалиев.
Бүгін Ақтау қалалық Бекет ата мешітінде ұзақ үзілістерден соң санитарлық қағидаттар қатаң сақтала отырып, жұма намазы оқылады. Мешіт жамағатын үйді-үйге жеткізу үшін арнайы автобус шақырылды. Жұма намазынан соң тұрғындар үйлеріне тегін көлікпен баратын болады. Бұл - Ақтау қалалық Бекет ата мешіті қызметкерлерінің көптен күткен жұмаға және жамағатқа деген құрметі.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.