Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Бұл туралы Маңғыстау облысының қоғамдық коммуникация орталығында өткен брифингте МО Санитариялық-эпидемиологиялық бақылау департаментінің басшысы Ғазиз Надуев мәлім етті.
Оның айтуынша, вакцинацияның көмегімен соңғы 20 жылда Қазақстанда аурушаңдық төмендеген. Мәселен, қызамық - 56 еседен астам;
- эпидемиялық паротитпен - 119 еседен астам;
- "В" вирустық гепатитімен тұрғындар арасында 34,7 есе, ал осы инфекцияға қарсы егілетін балалар арасында 262 есе;
- көкжөтелмен сырқаттанушылықтың тұрақты төмен деңгейі, дифтерияның, сіреспенің жекелеген жағдайлары сақталуда.
Қазақстанда коронавирусқа қарсы вакцинациялау 1 ақпан күні басталады.
Вакцинация - вакцинаның түсуін ескере отырып, кезең-кезеңімен жүзеге асырылады. Бұл ретте контингенттер мынадай түрде бөлінеді:
* бірінші кезеңде инфекциялық ауруханалардың, жедел медициналық көмектің, реанимация, МСАК бөлімшелерінің, қабылдау бөлмелерінің медицина қызметкерлері, санэпид қызмет қызметкерлері - 2021 жылғы 1 ақпаннан бастап шамамен 100 мың адам вакцинациялауға жатады;
* екінші кезеңде: жалпы білім беретін мектептер, ЖОО, ОАОО педагогтері, ведомстволық медициналық қызметтердің медицина қызметкерлері - ағымдағы жылдың наурыз айынан бастап шамамен 150 мың адам;
* үшінші кезең: мектеп-интернаттардың, мектепке дейінгі балалар мекемелерінің педагогтары, студенттер, созылмалы аурулары бар адамдар - сәуір айынан бастап 600 мың адам.
«Жүйелі есепке алу мақсатында вакцинацияның электрондық паспорты әзірленді. Вакцинация жүргізу туралы деректер Министрліктің орталықтандырылған ақпараттық жүйесінде электрондық форматта жүргізілетін болады. Веб-қосымшада пациент пен медицина қызметкерінің m-gov мобильді қосымшасында ақпаратты қолмен енгізу мүмкіндігі бар. Жүйе жаһандық ақпараттық жүйелермен интеграциялануға қабілетті және вакцинацияны алған барлық адамдарға талап етілетін жерде және еркін қозғалу үшін ақпарат беруге мүмкіндік береді», деді Ғазиз Надуев.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.