«Маңғыстау-Медиа» директоры Жаңа жыл мерекесімен құттықтады

Құрметті оқырман!

Еліміздің Тәуелсіздік алғанына 30 жыл толғалы отырған мерейлі мерекелі Жаңа жыл күні ертең есік ашып кіріп, жақсылық пен игіліктің бәрін алдан күтетін еліміздің халқын көл-көсір қуаныш пен шат-шадыман шаттыққа кенелтіп отыр. Адамзат баласына қатер төндірген пандемияға қарамастан қалың жұртымыз ел басына түскен қиыншылықтар мен ауырпалықтардың барлығын кәтапты қара нардай еңсеріп, Жаңа жылдың алғашқы парағын еңбектегі толағай табыстарымен, жасампаздық жарқын істерімен қарсы алды. Мұнда түлеген түбегіміздің ел-жұртын еңбек жеңістеріне жұмылдырып отырған «Маңғыстау-Медиа» жауапкершілігі шектеулі серіктестігінің облыстық «Маңғыстау», «Огни Мангистау», қалалық «Жаңаөзен», аудандық «Рауан», «Жаңа өмір», «Қарақия», «Ақкетік арайы» және «Мұнайлы» газеттері ұжымдарының айшықты үлесі аз емес. Жаңа жылда көзі қарақты халқымыз қазыналы жарты аралымыздың баспасөзіне жаппай жазылып, мерзімді басылымдарымыздың таралымы ұлғайса, жаңалықтарымыздың қатары да көбейе берері айдан анық. Сонымен қатар, mangystaumedia.kz сайты ұжымының да еңбегін ерекше атап өткен жөн. Пандемия кезінде күн-түн демей ақпарат таратып, оқырмандарға жедел жаңалықтар жеткізді.

Бүгін облысымыз бен аудан, қалаларымыздың айнасы болып отырған осы басылымдарымыздың ұжымдары атынан сіздерді Жаңа жыл мерекесімен шын жүректен құттықтай отырып, бастарыңызға амандық, дендеріңізге саулық, отбасыларыңызға береке-бірлік тілеймін. Еліміз аман, жұртымыз тыныш, аспанымыз ашық болсын, ағайын!

Айсұлу ДУТБАЕВА,
«Маңғыстау-Медиа» ЖШС директоры

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.