Ақтауда “Интеллект - 2020" зияткерлік сайысының жартылай финалы өтті

Қаламыздағы жоғарғы, техникалық және кәсіптік оқу орындары студенттерінің зияткерлігін зерделеп, біліктілігін шыңдау мақсатында ұйымдастырылған сайыс карантин режиміне байланысты “Quizizz” бағдарламасы арқылы онлайн түрде өткен. Бұл туралы Ақтау қаласының әкімдігінің «Ақтау қалалық қоғамдық даму орталығы» МДК КММ директоры Дәулет Сағынтаев мәлім етті.

Сайыста 7 команда бақ сынады. Олар: Ш.Есенов атындағы КМТжИУ «YU тобы», Мұрын Жырау Сеңгірбекұлы атындағы маңғыстау гиманитарлық колледжі «IQ тобы», Халел Өзбекғалиев атындағы Маңғыстау Политехникалық колледжі «Политех Live тобы», Маңғыстау туризм колледжі «Шаңырақ тобы», Ақтау технологиялық қызмет көрсету колледжі «Самғау тобы», Ш.Есенов атындағы КМТжИУ көпсалалы колледжі «Есенов алғырлары», «Мейірбике» колледжі «ММК тобы».

«Аталған командалар 3 кезең бойынша сайысып, жалпы және салт-дәстүрлерге арналған сұрақтар бойынша жауап берді. Сайыс барысында (Quizizz) бағдарламасы арқылы жоғарғы ұпай жинаған “Самғау тобы”, “ММК тобы” және “Есенов алғырлары” мен “IQ”тобы финалға жолдама алды. Ал, төменгі ұпай жинаған командалар арнайы алғыс хатпен марапатталды. Финал келесі айда өтеді деп жоспарлануда», - дейді орталық директоры.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.