Бас мүфти Әбіш Кекілбаев музейіне барды

Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Маңғыстау облысына сапары барысында Ақтау қаласында орналасқан Әбіш Кекілбаев атындағы өлкетану музейіне ат басын бұрды, деп хабарлайды mangystaumedia.kz сайты ҚМДБ-ның баспасөз қызметіне сілтеме жасап.

Бас мүфти осы өңірден шыққан біртуар азаматтың бағындырған шыңы, еліміздің саяси өмірінде атқарған рөлі және нағыз талантқа тән қайталанбас тағдырымен танысты.

«Әбіш ағамыз турасында қаламдастары да мойындап, ол кісіні қашанда сергек, қашанда сезімтал, бәйгенің алдынан ғана келетін тұлпарға ұқсатқанын баршамыз білеміз. Өткенде ғана Елбасы дәл осы мұражайға келіп, жоғары бағасын берген болатын. Бүгін бізге де осы музейге келу нәсіп болыпты. Аллаға шүкір деймін. Әбіш ағамыз шынында әдебиет пен қоғамдық, мемлекеттік жұмыстарда өзінің биік қарым-қабілетін көрсете алған үлкен абыз ағамыз еді. Жатқан жері жайлы болсын», деді Наурызбай қажы Тағанұлы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.