Маңғыстауда “Мотоцикл” жедел-алдын алу іс-шарасы өтіп жатыр

Автомобиль жолдарында мотокөлік жүргізушілері арасында көлік тәртібін арттыру мақсатында 5-8 тамыз аралығында облыс аумағында “Мотоцикл” жедел-алдын алу іс-шарасы өткізіледі.

– Іс-шараның мақсаты мотокөлік құралдары жүргізушілерінің тәртібін арттыру, жол-көлік оқиғаларының алдын алу болып табылады, – деп атап өтті Маңғыстау облысы Полиция департаментінің бастығы Ж.Бақтыбаев.

Сонымен қатар, түнгі уақытта тыныштықты бұзу фактілерінің жолын кесу, сондай-ақ басып озу және белгіленген қозғалыс жылдамдығын арттыру, мемлекеттік техникалық байқаудан өтпеген көлік құралдарын басқару сияқты құқық бұзушылықтарды анықтау бойынша жұмыстар жүргізілуде.

Іс-шараның бірінші күні мотокөлік жүргізушілері тарапынан жол қозғалысы ережелерін бұзудың 18 фактісі анықталды, оның ішінде:

– 11 – ҚР ӘҚБК 593-бабы “Мотокөлік құралдарын пайдалану жөніндегі талаптарды бұзу” бойынша;

– 1 көлік құралын тиісті құжаттарсыз жүргізу фактісі – ҚР ӘҚБтК-нің 612-бабы бойынша;

– ҚР ӘҚБтК-нің 595-бабына сәйкес маневр ережелерін бұзудың 2 фактісі.

– Төрт “Көлік құралдарын пайдалану ережелерін бұзу” – фактісі ҚР ӘҚБтК-нің 590-бабы 5-бөлігі бойынша;

– Бір факт – көлік айыптұрағына жеткізілді.

– Іс-шара барысында Ақтау қаласының патрульдік қызмет батальоны, облыс департаментінің патрульдік полиция ротасы қызметкерлері мотоцикл жүргізушілерімен Жол қозғалысы ережелерінің талаптарын сақтау бойынша профилактикалық және түсіндіру жұмыстарын жүргізуде, – деді Жанарбек Бақтыбаев.

polisia.kz

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.