Мұқтаж отбасыларға көмек көрсетіледі

Елімізде короновирус індеті пайда болғаннан бері мешітке көмек сұрап хабарласқан отбасылардың қатары артқан. Мұнайлы ауданындағы Атамекен ауылдық Ар-рахман мешітінің бас имамы Зиядолла Емілдің айтуынша, елде төтенше жағдай жарияланғаннан бері қайырымдылық шараларына баса көңіл бөлініп отыр. Бұл туралы осы мешіттің баспасөз қызметі хабарлады.

⁃ Өкінішке қарай, соңғы күндері аудан аумағында тұратын аз қамтылған отбасылардың өкілдері көптеп хабарласып, қолдау сұрауда. Әрине, мешіт қызметкерлері мұқтажға көмек беруден ешқашан бас тартпайды. Ислам - мейірімділік пен жақсылықтың діні, - дейді Мұнайлы аудандық Атамекен ауылдық Ар-рахман мешітінің бас имамы Зиядолла Еміл.

Мешіт қызметкерлері карантин жағдайында жұмыс жасап, мұқтаж отбасылардың тізімін жасап, азық-түлік таратуда. З.Емілдің айтуынша, мұндай ізгі шаралар алдағы уақытта жалғасын тауып, көмекке зәру жандарға қолдау көрсетілетін болады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.