"Апатты үй": Ақтау әкімдігі күрделі жөндеуге ақша бөлмеген

Ақтау қалалық тұрғын үй инспекциясының бас маманы Айдар Бисеновтың айтуынша, 2018 жылы күрделі жөндеуге әкімдіктен ешқандай қаражат бөлінбеген. Естеріңізге сала кетейік, бұған дейін 5-шағынаудандағы 1-үйдің тұрғындары өз өтінішінде әкімдік жөндеуге қаражат бөлді деп мәлімдеген болатын, деп хабарлайды mangystaumedia.kz

- Жоғарыда аталған үйге жөндеу жұмыстары демеушілік қаражат есебінен жүргізілді. Алайда жөндеу жұмыстары аяқталған жоқ. Осыған байланысты тұрғындар бұл мәселені тікелей демеушімен шешуі қажет, - деді Айдар Бисенов.

Естеріңізге сала кетейік, 5-шағынауданның 1-үйінің тұрғындары Ақтау қаласының әкіміне бейнеүндеу жариялап, "Шанс" ПИК-нің қызметін тексеруді сұраған еді. Олардың айтуынша, аталған тұрғын үй апатты күйге түскен.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.