Маңғыстауда өткен аптада екі моншадан өрт шыққан

Маңғыстау облысында өткен апта ішінде 3 рет өрт оқиғасы болды, деп хабарлайды mangystaumedia.kz өңірлік төтенше жағдайлар департаментінің баспасөз қызметіне сілтеме жасап.

Өткен аптада өрт сөндіру және апаттық-құтқару жұмыстары қызметінің бөлімшелеріне 21 қоңырау түскен. Оның 3-еуі өрт жағдайына байланысты болып отыр.

6 ақпан күні кешкі сағат 20:00-де Жаңаөзен қаласы, Ақсу шағын ауданында орналасқан үйдің моншасынан өрт шыққан.

Ал 8 ақпан күні кешкі сағат 18:00-де Мұнайлы ауданы, Басқұдық ауылдық округінде орналасқан үйдің ауласындағы қорамен жапсарлана салынған монша отқа оранған.

9 ақпанда сағат 09:07-де Бейнеу ауылының Қарағайлы көшесіндегі үйдің ауласында тұрған «Daewoo-Nexia» көлігінің бір бөлігі жанып кеткені белгілі болды.

Бұл жағдайлар бойынша өрт сөндіру қызметкерлері өртті толық сөндірген. Ал оқыс оқиға кезінде өрттен зардап шеккендер тіркелген жоқ.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.