Жеке басты куәландыратын құжаттарды жедел дайындату құны төмендейді

Ішкі істер министрлігі шаруашылық жүргізу құқығындағы республикалық мемлекеттік кәсіпорын ұсынатын жеке басын куәландыратын құжаттарды жеделдетілген тәртіппен беру қызметінің прейскурантына түзетулер әзірледі, деп хабарлайды mangystaumedia.kz сайты.

Түзетулер жеке басын куәландыратын құжаттарды жедел дайындау құнын төмендетеді:

Астана, Алматы, Ақтөбе, Шымкент қалалары бойынша:

1 жұмыс күніне дейін – 4 983 теңгеден 3 372,45 теңгеге дейін;

3 жұмыс күніне дейін – 2 752 теңгеден 1 770,88 теңгеге дейін.

Облыс орталықтары үшін:

3 жұмыс күніне дейін – 4 983 теңгеден 3 372,45 теңгеге дейін;

5 жұмыс күніне дейін – 2 752 теңгеден 1 770,88 теңгеге дейін.

Облыстардың аудандары мен қалалары бойынша:

7 жұмыс күніне дейін – 1116 теңгеден 677,95 теңгеге дейін.

Құжаттың негіздемесіне түзетулер мемлекеттік монополияға қатысты ҚР ІІМ Ақпараттық-өндірістік орталығында РМК сататын қызметтеріне төмендетілген түзетілген бағаларға байланысты енгізіліп жатқаны айтылған.

Жоба 2023 жылдың 30 қазанына дейін қоғамдық талқылау үшін Ашық құқықтық реттеу порталында орналастырылған.ф

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.