МАЭК-тегі апатқа байланысты елдегі қара алтын өндірісі төмендеді, деп хабарлайды mangystaumedia.kz сайты Sputnik.kz-ке сілтеме жасап.
Мұны Энергетика министрлігі жанындағы талдау орталығының мәліметі бойынша мұнай өндіру көрсеткіші төмендеген.
10 тамызда республикада мұнай өндіру 232 мың тонна деңгейінде болды, бұдан әрі көрсеткіштер төмендей бастаған: 11 тамызда - 220,4 мың тонна, 12 тамызда - 217,5 мың тонна, 13 тамызда - 215 мың тонна.
Энергетика министрлігінің мәліметінше, мұнай өңдеу көрсеткіші айтарлықтай өзгеріске ұшырамаған(53,4 мың тоннадан 52,9 мың тоннаға дейін).
11 тамыз күні Маңғыстау облысында МАЭК-тегі апатқа байланысты электр энергиясының ауқымды ажыратылуы орын алды. Екі энергоблок істен шығып, билік өңір тұрғындарына жарықты 3-5 сағатқа өшіретіндерін ескертті.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
