Еліміздегі 6 мың адам алаяқтың құрбаны болды

Биыл қаңтар-қараша айларында ҚР сотқа дейінгі тергеп-тексерулердің бірыңғай тізілімінде "Алаяқтық" бабы бойынша 40,8 мың қылмыстық құқық бұзушылық тіркелген. Бұл өткен жылмен салыстырғанда 1,6% - ға көп, деп хабарлайды mangystaumedia.kz сайты inbusiness.kz-ке сілтеме жасап.

Қылмыстың жартысына жуығы интернет-алаяқтық: 19,9 мың жағдай, жылдық өсім 5,8% құрады. ЕҚДБ-да төлем карталарын пайдаланып (267 жағдай), кредит беру саласында (53 жағдай), ақшалай қаражатты қарызға алу жолымен (41 жағдай) және т. б. алаяқтық тіркелді.

Жыл басынан бері 6 мың адам алаяқтың құрбаны болған.Оның ішінде 5 мың адам жұмыссыз, 207-сі жұмысшы, 170-і мемлекеттік қызметші, 70-і жеке кәсіпкер, 77-сі оқушы, 19-ы әскери қызметші.

2023 жылдың он бір айының қорытындысы бойынша алаяқтық құқық бұзушылықтардан келтірілген залалдың белгіленген сомасы 96,5 млрд теңгені құрады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.