Ақтауда коммуналдық тарифтер көтеріле ме?

Қазақстанның кейбір өңірлерінде электрмен және жылумен жабдықтауға коммуналдық қызметтердің тарифін арттыру туралы бүгін Сенат аясында Ұлттық экономика министрі Әлібек Қуантыров мәлімдеді, деп хабарлайды mangystaumedia.kz Zakon.kz-ке сілтеме жасап.

Ұлттық экономика министрлігінің басшысы тарифтердің өсуі 2023 жылдың екінші жартыжылдығында болуы мүмкін екенін атап өтті.

"Бұл мемлекеттік меншіктегі субъектілерге өз жұмыстарын, желілерін жаңғыртуындағы қажеттілікке байланысты. Өздеріңіз білетіндей, президент өзінің сайлауалды бағдарламасында тиісті көрсеткіштерді қойды", - деп атап өтті ҚР Ұлттық экономика министрі Әлібек Қуантыров.

Бұл ретте тарифтердің өсуі барлық өңірлерге әсер етпейді. Шешім ЖЭО тозу дәрежесіне сүйене отырып қабылданатын болады. Осылайша, министрдің айтуынша, жылу электр станцияларының тозуын 15-20%-ға төмендетуге болады.

"Тариф көтеріледі, бірақ басқа амал жоқ. Бірақ әрине, біз әлі талқылайтын боламыз дедім. Мысалы, Екібастұзда субъект тарифті 2,5 есеге арттыруды ұсынды. Әрине, бұл мүмкін емес", - деді Әлібек Қуантыров.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.