Нұрлан Әлімжанов Мәжіліс депутаты ретінде ант берді
[ 2019 ] 11 қыркүйек, 04:48 | Қазақстан жаңалықтары
Бүгін Парламент Мәжілісінің жалпы отырысында депутат Нұрлан Әлімжановтың ант беру рәсімі өтті, - деп хабарлайды mangystaumedia.kz сайты ҚазАқпаратқа сілтеме жасап.
«Орталық сайлау комиссиясының қаулысымен «Nur Otan» партиясының мүшесі Нұрлан Әлімжанов партиялық тізім бойынша Парламент Мәжілісінің депутаты болып тіркелді», - деді Мәжіліс төрағасы Нұрлан Нығматулин.
«Қазақстан халқына адал қызмет етуге, Қазақстан Республикасының тұтастығы мен Тәуелсіздігін нығайтуға, оның Конституциясы мен заңдарына қатаң бағынуға, депутаттың өзіме жүктелген мәртебелі міндеттерін адал атқаруға ант етемін!», - деді Н.Әлімжанов.
Сонымен қатар ол Мәжіліс комитетінің құрамына сайланды. Депутат Әлеуметтік-мәдени даму комитетінің мүшесі болды.
816
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
