Ақтау қаласының тұрғындары соңғы уақыттары қаладан қоқыс полигонының түтін иісі шығатынын айтып шағымданды, деп хабарлайды mangystaumedia.kz сайты.
- Қаламыздан кейінгі кездері неліктен түтіннің жағымсыз иісі шығады. Қоқыс полигонын өртеп жатырсыздар ма? Экологтар қайда қарап отыр? – деді облыс әкімінің телеграм арнасына шағымданған қала тұрғыны.
Осы арыз-шағым бойынша зертханалық-талдамалы бақылау бөлімінің мамандары нақты ластауыш көздерін анықтау мақсатында түнгі мезгілдерде мониторинг кестесін жасақтап, қадағалау жұмыстарын жүргізген.
- Кесте бойынша 14 ақпан күні түнгі-таңғы мезгілдерінде Ақтау қаласы мен өндірістік аумақтардың атмосфералық ауасынан сынама алынды. Мониторинг нәтижесінде өлшенген аудағы зиянды заттектерден шекті концентрациядан артуы тіркелмеді. Департамент өз тарапынан мониторинг жүргізу жұмыстарын жалғастыруда. Мониторинг нәтижесінде ластауыш көздер ошағы анықталған жағдайда департаменттің әлеуметтік желілеріне жарияланатын болады, - деді өңірлік экология департаментінің мамандары.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
