Ақтауда өрт кезінде шетелдік азаматты күйік шалды

Маңғыстау облыстық төтенше жағдайлар департаментінің мәліметінше, тілсіз жау біраз аумақты шарпыған, деп хабарлайды mangystaumedia.kz.

«13 ақпан күні кешкі сағат 21:40 шамасында 28а шағынауданындағы көлік дөңгелегін жөндеу цехында (42 ш.м. алаңда) резеңке дөңгелектер өртенген. Оқиға орнына дереу ТЖД жеке құрамның 12 адамы және 3 арнайы техникасы барды. Өрт сағат 22:04 толығымен жойылды. Өрт сөндірушілер көлемі 40 литр болатын 2 газ баллонын сыртқа шығарды», - деді ТЖД баспасөз қызметі.

Сондай-ақ, өртке қарсы қызмет келгенге дейін апат кезінде термиялық күйік шалған Өзбекстан Республикасының азаматы ауруханаға жеткізілген. Қазіргі уақытта оның жағдайы ауыр. Ал оқыстан шыққан өрттің себебі анықталып жатыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.