Mańǵystaý Media
16+
Редакция
+7 (7292) 20 48 34
hat@mangystaumedia.kz
Жарнама бөлімі
+7 778 145 90 93
reklama@mangmedia.kz
Маңғыстау облысында сот кәмелетке толмаған қызының әкімшілік құқық бұзушылығы үшін анасына айыппұл салды, деп хабарлайды mangystaumedia.kz.
Өткен жылдың 21 желтоқсан күні өңір тұрғынының кәмелет жасына толмаған қызы әкесінің «Хундай Елантра» автокөлігін рұқсатсыз айдап, көше бойында кетіп бара жатқан жасөспірімді қағып кеткен болатын.
«Сот отырысында қыздың анасы кінәсін мойындап, баласы автокөлікті рұқсатсыз айдап кеткенін растады. Сонымен бірге, болған жағдай үшін өкінетінін, алдағы уақытта баласының тәрбиесіне жіті мән беретінін алға тартты. Анасының кінәсі әкімшілік құқық бұзушылық туралы хаттамамен және сотта зерттелген істің басқада құжаттарымен толық дәлелденді. Сот кәмелетке толмаған қыздың анасын кінәлі деп танып, оған әкімшілік жаза ретінде 69 000 теңге әкімшілік айыппұл салынды», - деді Маңғыстау облыстық сотының баспасөз қызметіндегілер.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.