Ақтау-Париж: Маңғыстаулық велашабандоз Түркияның Хопа-Ризе қаласында

Ақтау-Париж бағытында велосаяхатқа шыққан маңғыстаулық велашабандоз Рәббім Борашев Түркияның Хопа-Ризе қаласынан видео жолдады, - деп хабарлайды mangysraumedia.kz.

Велашабандоздың айтуынша, Қара теңіздің іргесін игеріп, тас-топырақ төгіп кеңейту жұмыстары қарқынды жүріп жатқанға ұқсайды. Велашабандоз аялдап, қонған Хопа қалашығының іргесінде жаңа игерілген жерге үлкен мал базар (уақытша шығар) ашылған.

«Таңертең ерте тұрып жолға шықтық. Біріншіден, күн ысымай, жүріс жеңіл болса, екіншіден, таңғы мезгілде көлік аз болады. Әсіресе үлкен фуралар. Бүгінгі межеміз Риза қаласы 90 шақырымдай жерде. Бұл — Айзаданың жүріп өткен алғашқы тоннелі. Жарық, кең, жаңа стандартты тоннелден қиналмай әдемі өттік» - дейді велашабандоз.

Велашабандоз Ата Түрік ескерткіші жанына аялдаған сургуттық орыс жанұясымен танысқан. Рәббім Борашев иттерді үйретумен айналысатын бұл саяхатшылармен суретке түскендерін айтты.

«Түсқайта көлік көбеюіне байланысты келесі өткен тоннелдерімізде великтен түсіп жаяу жүруге тура келді. Теңіз іргесіндегі бір кафеден түскі ас ішіп, суға да түсіп рахаттанып алдық. Түркі еліндегі туға көрсетілген құрмет ерекше. Кез келген мекеме, сауда орындарына, биік төбелерге барлық жерлерге үлкенді кішілі "айжұлдызды” қызыл тү ілулі не ілініп тұр. “Риза” қаласының қақ орталығынан іздеп жүріп “Голд-53” деген қонақ үйге тоқтап дем алдық. Үрдіс бойынша кез келген қонақ үйде шәй қайнаулы қанша ішсеңде рұқсат. Қонақ үй-кафелер келген қонаққа 0,5л суды тегін береді екен» — дейді ол.

Маңғыстаулық велашабандоз осы жылы өтетін Париж олимпиядасының басталуына 47 күн қалғанын айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.