Ақшамыз дүкеннен ауыз су алуға кетіп жатыр: Ақтау тұрғындары ашулы

©

Ақтау қаласы бойынша бірқатар шағынаудан тұрғындары ауыз су тоқтап қалғанын айтып, шағымданып жатыр, - деп хабарлайды mangystaumedia.kz.

Аймақ әкімінің телеграм арнасында қала тұрғындары ауыз су жоқтығын айтып, наразылықтарын білдіріп жатыр.

- «Қала бойынша бүкіл шағынаудан ауыз сусыз қалып отырмыз. Суды қашан бересіздер? Ақшамыздың барлығы дүкендерден ауыз су сатып алуға кетіп жатыр. Шаршадық. Беті-қолымызды, кір киім-кешектерімізді жуа алмай отырмыз. Ыссы судың жоқтығы ештеңе емес, қарапайым ауыз суға зар болып отырмыз. Түнімен су күзеттік», - дейді тұрғындар.

Ал «Каспий жылу су арнасы» басшысының орынбасары Үсенов Ислам қала бойынша су қысымы төмендеуінің себебін анықтап жатқанын айтты.

- «Ауыз су бойынша жұмысшылар тексеріп жатыр, себебін анықтағаннан кейін қосымша ақпарат беріледі, - дейді Ислам Үсенов.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.