"Халықаралық нашақорлыққа қарсы күрес күні" аясында акция өтті

Ақтауда 26-маусым күні Астана алаңында нашақорлыққа қары күрес күніне орай Маңғыстау облыстық полиция департаменті акция ұйымдастырды, - деп хабарлайды mangystaumedia.kz  сайты. Өңірлік Полиция департаментінің басшысының бірінші орынбасары Халмұрадов Амангелді Хайырмұхамедұлының нашақорлыққа қарсы күрес жұмыстарымен айналысатын қызметкерлердің жұмысына толағай табыс тіледі. Шара асында есірткі саудасымен күрес және осы мәселеден келетін зауалды насихаттап жүрген бір топ азаматтарға сый-құрмет көрсетілді. Сондай-ақ, есірткінің адам өміріне аса қауіпті екенін түсіндіретін және өскелең ұрпақты салауатты өмір салтына шақыруға бағытталған арнайы түсірілген бейнеролик жиылған қауымның назарына ұсынылды.

Есірткі сатумен айналысатын 5 адамнан құрылған бір қылмыстық топ құрықталды. Қазір олардың ісі сотқа жіберілді. Олар 15 жылдан өмір бойына дейін бас бостандығынан айырылуы мүмкін. Аймақта 3 есірткі сынақтары анықталған. Азаматтар есірткі қолданғаны және сақтағаны үшін жазаға тартылды. Соңғы 3-4 жылда мектеп, колледж, жалпы білім беру ұйымдарында алдын-алу шараларын белсенді жүргізіп келеміз. Статистикаға сүйенсек, заңбұзушылықтар  соңғы 5 жылда азайып жатыр, - дейді Маңғыстау облысының Ішкі істер департаменті Есірткі бизнесіне қарсы күрес басқармасының аға жедел уәкілі Камиль Будайчиев.

26 маусым әлем тарихында нашақорлыққа және есірткі саудасына қарсы күні ретінде аталып келеді. Қазақстан көлемінде нашақорлыққа және есірткі саудасына қарсы акция әр жыл сайын ұйымдастырылады. Шараның мақсаты нашақорлықтан бас тарту. Жарты жылдың ішінде Маңғыстау облысында есірткіге байланысты түрлі сипатта 200-ден астам заңбұзушылық анықталды. Қазіргі уақытта героинге қарағанда марихуанна көп таралған. Есірткі сатумен айналысатын азаматты 8 жылдан 15 жылға дейін, ал сақтаумен айналысатындарды айыппұлмен қоса 2 жылға дейін бас бостандығынан айырады. Маңғыстау облысының Ішкі істер департаменті Есірткі бизнесіне қарсы күрес басқармасының аға жедел уәкілі Камиль Будайчиевтің мәлімдеуінше, жасөспірімдер арасында тіркеуде тұрғандар саны 2-3, ал барлығы 1200-ге жуық.

Бүгінгі шарамыздың нақты мақсаты адамдарға болашақтың есірткісіз болатынын түсіндіру. Жастар арасында есірткісінің "спайс" деген түрі кең тараған. Бұл адам өміріне аса қауіпті деуге болады. Маңғыстау облысында инъекциялық есірткілерді қолданаты және АИТВ – мен өмір сүруші адамдардың саны шамамен 324, - дейді ЖИТС орталығының аутрич қызметкері Мұрат Муса Ерниязұлы.

Махаббат НҰРЖАНҚЫЗЫ