«Білім студиясы» оқу орталығы ашылды

Ақтау қаласында мектеп оқушыларына қосымша білім беретін «Білім студиясы» оқу орталығы ашылды, - деп хабарлайды mangystaumedia.kz.

Оқу орталығында кәсіби мамандар дәріс өткізеді. Орталықтың ашылғанына көп уақыт өтпесе де қосымша білім аламын деген оқушы қатары көп. Осыған байланысты наурыз айынан бастап бірнеше топ ашылмақ.

Қазіргі уақытта карантинге байланысты кейбір сыныптар онлайн форматта сабақ оқып жатыр. Сондықтан оқушылардың үлгерiмiн арттыру мақсатында барлық мектеп пәндерi бойынша қосымша дәрістер өткіземіз. Яғни оқушы түсiнбеген тақырыпты түсіндірiп, үй тапсырмаларын орындауға көмектесеміз, - дейді "Бiлiм студиясы" оқу орталығының директоры Меруерт Құрманғалиқызы.

Бүгінде орталықта балаларды ерте жастан дамыту, мектепке дайындық топтары, қазақ тілі, ағылшын тiлi, математика, физика, география пәндерiнен сабақтар қарқынды өтіп жатыр. Сондай-ақ, «Білім студиясы» балалардың логикалық және шығармашылық қабілетін жетілдіру үшін шахмат, домбыра, сурет, қолөнер үйiрмелерiн ұсынып отыр.

Мекен-жайы: Ақтау қаласы, 16 ш/а «Триумф» ТҮК

Байланыс телефоны: 8778 4000 277

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.