С. Трұмов: Жылыжайларды көбейту керек

Маңғыстауда ауыл шаруашылығын дамытудың ең тиімді жолы – жылыжайларды көбейту керек, деді облыс әкімі Серікбай Трұмов.

Биыл аймақтағы ауыл шаруашылығы секторында 8 ірі жобаны іске асырып, 200-ге жуық жұмыс орнын құру жоспарланып отыр. Мемлекеттен колдау көрсетілгенімен ауыл шаруашылығында күрмеулі мәселе әлі көп. Сондықтан, осы жылы өңірдегі жылыжайлардың жалпы ауданын 7 гектарға, яғни 10% - ға дейін ұлғайту көзделіп отыр. Ол қосымша мың тоннадан астам өнім шығарылады деген сөз. Бүгінде облыс бойынша ауданы 32,5 га құрайтын 83 жылыжай бар, сонымен қатар Маңғыстау ауданында тағы 37 га агроаумақ құру жоспарлануда. Жер телімдері шаруа қожалықтарына бөлінді, ендігі кезекте Маңғыстау ауданы әкімдігі инфрақұрылым тартатын болады. Нәтижесінде, ашық алқапқа себілген егіннен 600-700 тонна ауыл шаруашылығы өнімдерін алу жоспарланып отыр. Қосымша 20-дан астам тұрақты жұмыс орны құрылады деп күтілуде.

С.Трұмов аудан әкімдеріне ауыл шаруашылығын дамытуға барынша көңіл бөлу керектігін тапсырды. Ол үшін алдымен инфрақұрылымға қатысты барлық мәселелерді мұқият пысықтап, жоспарлаудың қажеттігін айтты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.