Бекзат Нұрдәулетов кәсіпқой бокста екінші рет жеңіске жетті

Нұр–Сұлтан қаласында өткен бокс кешінде Бекзат Нұрдәулетов жеңіске жетті, деп хабарлайды mangystaumedia.kz сайты.

«Suleimen Promotions» промоутерлік компаниясының ұйымдастыруымен кәсіпқой бокс кешінде Бекзат Нұрдәулетов (2-0, 2 КО) нигериялық боксшы Кабиру Товолавимен (13-3, 10 КО) жұдырықтасып, төрешілердің шешімімен Бекзат жеңіске жетті. Бұл маңғыстаулық боксшының кәсіпқойдағы екінші жеңісі. Б.Нұрдәулетов кәсіпқой мен әуесқой бокста да өнер көрсетіп жүр.

Ал кештің басты жекпе–жегінде қазақстандық Айдос Ербосынұлы (15-0, 10 КО) мен Исса Самирмен (19-1, 16 КО) кездесіп, ганалық боксшы алғашқы рет жеңіліске ұшырады. Айдос өзіне тиесілі WBC Asian, WBA international және WBO Global титулдарын қорғап қалды.

Айбек МҰХАНОВ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.