«Nur Otan» партиясы Төрағасының бірінші орынбасары Бауыржан Байбек Маңғыстауға сапары барысында «ҚазАзот» кәсіпорнына барды, деп хабарлайды деп хабарлайды mangystaumedia.kz.
Мемлекет басшысы Қ.К. Тоқаевтың ел халқына Жолдауында айтылған ауыл шаруашылығына озық технологияларды ендіру жөніндегі тапсырмасын ескеріп, «ҚазАзот» кәсіпорнына бардым. Бұл – қазақстандық ауыл шаруашылығымен айналысушылар минералды тыңайтқыш ретінде кеңінен пайдаланатын аммиак пен амииак селитрасын өндіретін еліміздегі жалғыз кәсіпорын, деп жазды Б.Байбек өзінің фейсбук парақшасында.
Ақтаудың өнеркәсіптік әлеуетін арттыру және жаңа жұмыс орындарын ашу үшін зауытты жобалық қуаттылығын жылына 400 мың тонна минералды тыңайтқыш өндіруге дейін ұлғайта отырып модернизациялау жоспарлануда.
"Елбасы бастамашылық еткен республикалық «BizBirgemiz» акциясына қатысқандары үшін кәсіпорын ұжымына алғыс айттым. Пандемия кезінде ҚазАзот қызметкерлері облыстағы ауруханалар мен стационарларға кислород баллондарын өтеусіз толтырып беруді қамтамасыз еткен болатын", делінген жазбада.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
