Пневмония коронавирус статистикасында неліктен есепке алынбайды – Бюрабекованың жауабы

ҚР Денсаулық сақтау вице-министрі Людмила Бюрабекова елімізде өкпе қабынуы коронавирус статистикасында неліктен есепке алынбайтындығын түсіндірді, деп хабарлайды ҚазАқпарат.

«Біз қазір халықаралық ұйымдармен, Дүниежүзілік денсаулық сақтау ұйымымен келіссөз жүргізіп жатырмыз. Бүгінгі күні ДСҰ ұсынымына сәйкес, статистикаға ПТР-дің оң нәтижесі бар жағдайлар ғана кіріп отыр», - деді ол.

Сонымен қатар еліміздің Денсаулық сақтау министрлігі дәл осы мәселеге байланысты Дүниежүзілік денсаулық сақтау министрлігіне сұраныс жібергенін айтты.

«Келіссөздер арқылы есепке алынуы тиіс мәліметтерге қатысты ортақ шешімге келеміз. Әрбір елдің статистика мен есепке алуға қатысты өз жолы бар. Біз соны біріздендіріп, барлық елмен қатар жүргіміз келеді», - деді Людмила Бюрабекова.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.