Ақтау қаласы әкімінің орынбасары Гүлжазира Алдашева өмірден өтті

Ақтау қаласы әкімінің орынбасары Гүлжазира Тасеменқызы Алдашева өмірден өтті.

Гүлжазира Тасеменқызы 1965 жылы туған. 1989 жылы С.М. Киров атындағы қазақ мемлекеттік университетін тарихшы мамандығы бойынша бітірген.

Еңбек жолын 1982 жылы Жаңаөзен қаласында өзі оқыған № 4 мектепте аға пионер жетекшісі қызметінен бастады.

1987 - 1990 жылдары Жаңаөзен медицина училищесінің комсомол комитетінің хатшысы болды.

1990 - 2000 жылдар аралығында облыстық медицина колледжі атанған осы оқу орнында қоғамдық пәндер оқытушысы, бөлім меңгерушісі. 2000 - 2002 жылдары Қ.Сәтбаев атындағы ҚазҰТУ Жаңаөзен филиалы директорының тәрбие-ісі жөніндегі орынбасары қызметін атқарды.

2002 - 2004 жылдар аралығында «Жаңаөзен қалалық жастар орталығы» мемлекеттік коммуналдық қазыналық кәсіпорнының директоры болды. 2004 – 2009 жылдары Жаңаөзен қаласы әкімі аппаратының әлеуметтік инфрақұрылым бөлімінің бастығы, ұйымдастыру және бақылау бөлімінің бастығы қызметтерін атқарды.

2009 – 2013 жылдары «Жаңаөзен қалалық мәдениет және тілдерді дамыту бөлімі» мемлекеттік мекемесінің басшысы болды.

2013 жылдың тамыз айынан бастап қазіргі уақытқа дейін «Ақтау қалалық мәдениет және тілдерді дамыту бөлімі" мемлекеттік мекемесінің басшысы қызметін атқарды.

2019 жылдың тамыз айынан бастап осы уақытқа дейін Ақтау қаласы әкімінің орынбасары қызметін атқарып келді.

Мезгілсіз қазаға байланысты марқұмның жақындары мен туған туыстарына қайғырып көңіл айтамыз!

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.