Ажар Ғиният Денсаулық сақтау вице-министрі болып тағайындалды

Үкіметтің қаулысымен Ажар Ғиният Денсаулық сақтау вице-министрі лауазымына тағайындалды. Бұл туралы Премьер-Министрдің Баспасөз қызметі хабарлады.

Ажар Ғиният 1969 жылы Батыс Қазақстан облысында дүниеге келген.

1992 жылы Ақтөбе мемлекеттік медицина институтын "дәрігер-педиатр" мамандығы бойынша, 2007 жылы Ш.Есенов атындағы Ақтау мемлекеттік университетін «мемлекеттік және жергілікті басқару менеджері" мамандығы бойынша, 2015 жылы Алматы менеджмент университетін "МВА іскерлік әкімшілендіру магистрі" мамандығы бойынша тәмамдаған.

Еңбек жолын 1993 жылы Атырау қаласының №2 қалалық емханасында учаскелік педиатр болып бастаған;

1994 жылдан 1999 жылға дейін — Ақтау қаласының №1 медициналық санитарлық бөлімінің меңгерушісі;

1999-2001 жылдары — Маңғыстау жұқпалы аурулар ауруханасының бас дәрігерінің емдеу ісі жөніндегі орынбасары;

2001-2005 жылдары — Маңғыстау облысының Денсаулық сақтау басқармасы басшысының орынбасары;

2005-2006 жылдары — Маңғыстау облысы денсаулық сақтау департаментінің директоры;

2008-2017 жылдары — Денсаулық сақтау министрлігінің басқарма басшысы, департамент директоры;

2017 жылғы қыркүйектен бастап қазіргі таңға дейін Президент Іс басқармасының Медицина орталығы басшысының орынбасары қызметін атқарды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.