Ерекше қамтылған балаларға арнайы кеш ұйымдастырылды

1 маусымда халықаралық балаларды қорғау күніне орай «Біз бақытты баламыз» атты қайырымдылық шарасы өтті, - деп хабарлайды mangystaumedia.kz.

Мереке күні мүмкіндігі шектеулі ерекше қамтылған 15 балаға арнайы кеш ұйымдастырылып, мерекелік дастархан жайылды. «Қолдау-Қазақстан» холдингі ұйымдастырған шара Ақтау қалалық ішкі саясат бөлімінің қолдауымен өтіп, оған жергілікті кәсіпкерлер де атсалысқан.

Бұл шараны өткізудегі басты мақсат «Балаларды қорғау күні» туралы түсініктерін бекіту. Ойын-сауықта ән айтқызып, би билетіп балалардың белсенділіктерін арттырғымыз келді. Сондай-ақ, бұл шара өзін құрметтеуге, әлеуметтік мәнділік сезімін, жеке тұлға ретінде көрсете білуге тәрбиелеудің бір сатысы, - дейді ұйымдастырушы Кенжегүл Тайғара.

Махаббат НҰРЖАНҚЫЗЫ

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.