Маңғыстауда тағы 2 адамнан коронавирус анықталды

Бірінші науқас - 1984 жылы туған ер адам, Ақтау қаласының тұрғыны. Науқастың қызуы көтерілгендіктен, ол жедел жәрдем шақыртты. Кейін обсервациялық стационарға жатқызылып, одан сынама алынды. ПТР диагностикалық зерттеу қорытындысымен COVID-19 диагнозы нақтыланды.

Екінші науқас - 1965 жылы туған ер адам, Мұнайлы ауданы Дәулет ауылының тұрғыны. Науқасты қатты жөтел мазалағандықтан, ол дәрігерге қаралды. Одан сынама алынып, ПТР диагностикалық зерттеу қорытындысы COVID-19 диагнозын нақтылады.

Қазіргі таңда науқастың екеуі де облыстық инфекциялық ауруханасында жатыр. Бекітілген хаттамаға сәйкес тиісті ем жүргізілуде. Науқастармен қарым-қатынаста болған адамдар анықталып, барлығы медициналық бақылауға алынуда. Ауру ошағында дезинфекциялық жұмыстар жүргізілуде.

24.05.2020 ж. жағдай бойынша өңірде барлығы 166 адамнан COVID-19 вирусы анықталды.

Ақтауда – 35;

Жаңаөзенде – 25;

Маңғыстау ауданында – 7;

Мұнайлы ауданында – 5;

Қарақия ауданы – 30;

Бейнеу ауданы – 64;

Жазылып шыққаны – 96;

Қайтыс болған – 1.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.