Маңғыстауда тағы 3 адамнан коронавирус анықталды

Маңғыстау облысында COVID-19 жұқтырған тағы 3 адам тіркелді. Олардың барлығы да «ТенізШевройл» мекемесінің қызметкерлері. Вахтадан келген бойда олар бірден Ақтаудағы обсервациялық стационарға жатқызылды. Алынған сынама ПТР диагностикалық зерттеу нәтижелері бойынша COVID-19 диагнозы нақтыланды, делінген МО ҚКО таратқан ақпаратта.

Олар осыған дейін тіркелген науқастармен байланыста болған.

Бірінші науқас – 1981 жылғы ер адам;

Екінші науқас – 1970 жылғы ер адам.;

Үшінші науқас – 1995 жылғы ер адам.

Қазір барлығы да дәрігерлердің бақылауында.

15.05.2020 ж. жағдай бойынша өңірде барлығы 141 адамнан COVID-19 вирусы анықталды:

Ақтауда – 32;

Жаңаөзенде – 23;

Маңғыстау ауданында – 7;

Мұнайлы ауданында – 4;

Қарақия ауданы – 30;

Бейнеу ауданы – 45;

Жазылып шыққаны – 31;

Қайтыс болған – 1.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.