Маңғыстауда тағы 1 адамнан коронавирус анықталды

​Маңғыстау облысында коронавирус жұқтырған 1 адам анықталды. Науқас 63 жаста, Жаңаөзен қаласының тұрғыны. Ол коронавирустық инфекция жұқтырған адаммен қарым-қатынаста болуына байланысты карантиндік стационарға жатқызылып, зертханалық сынама алынған. ПТР диагностикалық зерттеу нәтижелері бойынша COVID-19 диагнозы нақтыланды.

​Қазіргі уақытта науқас Жаңаөзен қаласының инфекциялық ауруханасына жатқызылды. Ауру ошақтарында дезинфекциялық жұмыстар жүргізілді. Эпидемияға қарсы іс-шаралар қолға алынған.

​29.04.2020 ж. жағдай бойынша өңірде барлығы 45 адамнан COVID-19 вирусы анықталды:

Ақтауда – 18;

Жаңаөзенде – 6;

Маңғыстау ауданында – 4;

Мұнайлы ауданында – 3;

Қарақия ауданы – 14;

Жазылып шыққаны – 8;

Қайтыс болған – 1.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.