Меңдіханов Дәулеткерей Оразалыұлы Түпқараған аудан әкімі А.Қосуақовтың 30 қазан 2020 жылы №42 өкімімен Түпқараған аудандық тұрғын үй коммуналдық шаруашылығы, жолаушылар көлігі автомобиль жолдары бөлімінің басшысы лауазымына тағайындалды. Бұл туралы Түпқараған ауданы әкімдігінің баспасөз қызметі хабарлады.
Меңдіханов Дәулеткерей Оразалыұлы 14.06.1962 жылы дүниеге келген. Білімі - жоғары. 1979 – 1984 жж. В.И.Ленин атындағы қазақ политехникалық институтында «Машина жасау технологиясы, металл кесетін станоктар мен аспаптар» мамандығы бойынша тәмамдаған.
Еңбек жолын 1984 жылы инженер-технолог болып бастаған. 2006 жылға дейін өндірістік мекемелерде қызмет еткен.
2006 – 2007, 2009 – 2013 жылдары аудан әкімінің орынбасары, 2007 – 2009 жылдар аралығында және 2013 жылдан бүгінгі күнге дейін Баутин ауылының әкімі болып қызмет етіп келді.
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
