Әбіш Кекілбайұлы атындағы музейдің ашылу салтанатына ҚР Президенті қатысады
[ 2019 ] 9 қазан, 12:50 | Мәдениет
10 қазан күні Ақтау қаласы, 19 шағын ауданда орналасқан Әбіш Кекілбайұлы атындағы Маңғыстау облыстық тарихи-өлкетану музейінің ашылу салтанатына ҚР Президенті Қасым-Жомарт Кемелұлы қатысады деп күтілуде. Бұл туралы Маңғыстау облыстық әкімдігі хабарлады.
Сондай-ақ Маңғыстауда Әбіш Кекілбайұлының 80 жылдығына арналған шаралар қазанның 12-сіне дейін жалғасын таппақ. Ал "Әбіш әлемі" атты І Халықаралық театр фестивалі үстіміздегі айдың 11-14 аралығында өтетінін хабарлаймыз.
Фестивальге ОВ.Авелян атындағы Ванадзор мемлекеттік драма театры (Армения), Г.Алиев атындағы Тбилиси мемлекеттік Әзірбайжан кәсіби драма театры (Грузия), Билех Савар Барбод театры (Иран), Стамбул мемлекеттік театры (Түркия), Лебап велаяты Сейитназар Сейди атындағы мемлекеттік музыкалық-драма театры (Түркменстан), Камоли Худжанди атындағы музыкалық комедия театры (Тәжікстан), Хорезм облыстық музыкалық драма театры (Өзбекстан), М.Әуезов атындағы қазақ мемлекеттік академиялық драма театры (Алматы), Ж.Аймауытов атындағы қазақ музыкалық-драма театры (Павлодар) және Н.Жантөрин атындағы Маңғыстау облыстық музыкалық-драма театры қатысады.
1297
Маңғыстау Медиа
Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.
