ҚР-ның Әкімшілік рәсімдік-процестік кодексінің ерекшеліктері

Қай уақытта да адам құқығы, азаматтардың қауіпсіздігі басты орында болуы шарт. Осы мақсатта ел билігі сот шешімдерінің сапасын жақсартуды, сот практикасының біркелкілігін қамтамасыз етуді және әкімшілік әділеттілікті нығайтуды тапсырған болатын. Биыл «ҚР-ның Әкімшілік рәсімдік-процестік кодекске» өзгерістер мен толықтырулар енгізілді. Жаңа қабылданған кодекс арқылы азаматтардың құқығы қорғалады, теңдік пен әділдік артады және сот шешіміне дегін сенім күшейеді.

Жасыратыны жоқ, кейде адамдардың өзін қорғауға қауқары жетпейді. Мемлекеттік органмен дау туындай қалса, қарапайым адамның тауы шағылатын кездері болады. Ал енді әкімшілік рәсімдік-процестік кодексі азаматтардың құқығын қорғауға бағытталады. Егер мемлекеттік органның үстінен арыз жазсаңыз сот жеке тұлғаны қорғауға атсалысады. Мемлекеттік актлерді тексеріп, шешімдердің орындалуын қадағалай алады. Бұл ретте сотқа өз белсенділігін арттырып, айғақ, дәлел іздеуге мүмкіндік беріледі. Сол арқылы жеке тұлғалардың бұзылған құқықтарын, бостандықтарын мен заңды мүдделерін қорғап, шешім шығаруға міндетті. Сондай-ақ заңды тұлғалардың құқықтары мен мүдделерін қалыпқа келтіру мақсатында әкімшілік істерді әділ, бейтарап түрде уақытылы шешім қабылдайды.

Мұның өзі қарапайым адам мен мемлекеттік орган арасындағы теңсіздікті түбегейлі жоюға себеп болмақ. Сонымен қатар шенеуніктердің жауапкершілігін арттырады. Судьялардың мүмкіндігін кеңейтіп, жаңа бағытта жұмыс жүргізуіне ықпал етеді.

Ақтау қаласының судьясы К. Рысқалиева

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.