Елбасы: Жалақысы төмен қазақстандықтарға салық 1% дейін төмендейді

©

ҚР Парламенті палаталарының бірлескен отырысы ҚР Президенті Нұрсұлтан Назарбаев төмен жалақы алатындарға салықтық жүктемені жеңілдетуді ұсынды, - деп хабарлайды ҚазАқпарат.

«Салыстырмалы түрде төмен жалақы алатын қазақстандықтарды қолдау үшін 2019 жылдың 1 қаңтарынан бастап олардың салық жүктемесін 10 есеге азайтып, 1 процент қана алуды ұсынамын», - деп атап өтті Мемлекет басшысы.

Осы орайда Елбасы осындай төмендеуден босатылған қаржы олардың еңбегін төлеуді арттыруға бағытталуы қажет екенін атап өтті. «Нәтижесінде жалдамалы жұмысшылардың үштен бір бөлігінен кем емесі, яғни екі миллионнан астам адамда еңбекақысы жұмыс берушілерге еш жүктемесіз өсетін болады. Ары қарай Үкіметке табыс салығының прогессивті шкаласын енгізу мүмкіндігін зерделеу керек», - деді Нұрсұлтан Назарбаев.

Айта кетерлігі, бірлескен отырысқа ҚР Жоғарғы Соты, ҚР Үкіметінің мүшелері толық құрамда, ҚР Президентіне тікелей есеп беретін және бағынатын орган басшылары, ұлттық компаниялар мен мемлекеттік ұйымдар басшылары қатысып отыр.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.