Президенттікке кандидат Қарақат Әбден осыған дейінгі үгіт-насихат жұмысына қорытынды жасады

ҚР Президенттігіне кандидаттың сайлауалды штабында Қарақат Әбден Қазақстан өңірлері бойынша үгіт-насихат жұмыстарының аралық қорытындысын шығарды. Сайлау алдындағы үгіт жұмыстары өте белсенді жүргізіліп жатыр, деп хабарлайды mangystaumedia.kz ҚР Президенттігіне үміткердің баспасөз қызметіне сілтеме жасап.

Бүгін штаб сайлауалды үгіт-насихаттың аралық нәтижелеріне талдау жүргізді. Қарақат Әбден осыған дейін еліміздің сегіз облысында халықпен 30-дан астам сайлауалды кездесу өткізіп үлгерді.

"Біздің өңірлік штабтарымыздың қызметкерлеріне сайлаушылардан көптеген сұрақтар мен ұсыныстар келіп түсіп жатыр. Жалпы, сайлау демократиялық қоғамның көрсеткіштері болып табылады. Үгіт-насихат штабына үлкен жауапкершілік жүктеліп отыр. Сондықтан, сайлау өткізу мен сайлау алдындағы үгіттеудегі үздік әлемдік тәжірибені ескере отырып, біз өз жұмысымызды ауқымды жүргізуге тырысамыз. Біз үшін кандидаттың барлық күшті саяси қырларын көрсету маңызды. Бұл үлкен үйлесімді жұмысты қажет етеді. Сайлауалды штабта пікірлестер, кәсіпқойлар, патриоттар өте көп, олардың әрқайсысы өз міндеттерін біледі және бір ортақ мақсатты - халықтың игілігі үшін қызмет етуді көреді", - деді кандидаттың баспасөз хатшысы Еламан Төлепберген.

Жақын арада Қарақат әбден Түркістан және Жамбыл облыстарына баруды жоспарлап отыр.

Естеріңізге сала кетейік, кезектен тыс президенттік сайлау 2022 жылдың 20 қарашасында өтеді. Қазақстан сайлаушыларының тізіміне сайлау құқығы бар 11,8 миллион азамат тіркелген. Маңғыстау облысында бүгінгі таңда сайлаушылар саны 411 мыңнан асады. Қазір облыста сайлауды ұйымдастыруды және өткізуді қамтамасыз ететін бір облыстық, екі қалалық және бес аудандық сайлау комиссиялары жұмыс істейді. Әр учаскеде осы бөлімде тіркелмеген адамдардың сайлау учаскелерін анықтау үшін екі сервистік орталық жұмыс істейді. Бұдан басқа, бес сайлау учаскесінде тіркелмеген адамдарды уақытша тіркеу үшін ХҚКО қызметкерлері жұмыс істейтін болады. Сайлау науқаны 21 қазанда сағат 18:00-де басталып, 2022 жылдың 19 қарашасында сағат 00:00-де аяқталады. Содан кейін тыныштық күні жарияланып, 20 қарашада сағат 7:00-де бүкіл республика бойынша сайлау учаскелері ашылады. Дауыс беру 20: 00-ге дейін жалғасады. Сайлау нәтижелері 27 қарашадан кешіктірілмей жарияланады.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.