Жаңаөзендік оқушылар облыстық байқаудан жүлделі орын алды

Ақтауда оқушылар орталығында өткен 8-10 сынып оқушылары арасында «Экоәлем» олимпиадасының облыстық кезеңі өтіп, Жаңаөзен қаласынан қатысқан оқушылар жүлделі орын алды, деп хабарлайды mangystaumedia.kz Жаңаөзен қалалық әкімдігінің баспасөз қызметіне сілтеме жасап.

Жауапты сында 1 орынды №5 мектеп гимназиясының 8-сынып оқушысы
Алтынай Насихат және №10 жалпы білім беретін мектебінің 9-сынып оқушысы Газим Зарина мен №5 мектеп-гимназиясының 10 -сынып оқушысы Қойлыбай Жанерке иеленді.

- Оқушылар Ақтау қаласы, Бейнеу ауданы, Білім-Инновация лицейі, Жетібай, Мұнайлы, Түпқараған аудандарынан қатысты. Сайыс жоғары деңгейде өтті. Олимпиаданың әр номинациясы уақытында басталып, әділ бағаланып отырды. Қарсыластардың деңгейі барлығымен бірдей болды, - деді олимпиада қатысқан 8-сынып оқушысы Алтынай Насихат.

Оқушылар арасында өткен байқауға барлығы 23 оқушы қатысты.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.