ҰБТ: гранттық байқауға өтініштер 13-20 шілде аралығында қабылданады

Негізгі Ұлттық бірыңғай тестілеудің қорытындысы бойынша грантқа құжаттарды қабылдау 13 шілдеде басталады, деп хабарлайды mangystaumedia.kz сайты Kazinform.kz-ке сілтеме беріп.

— Үміткерлер өтінішті EGov арқылы онлайн немесе ЖОО қабылдау комиссиялары арқылы оффлайн тапсыра алады. Құжаттарды кез келген университет (жергілікті орналасқан жер) арқылы қабылдайды. Шалғай өңірлерден келген талапкерлерге ыңғайлы болу үшін жоғары және жоғары оқу орнынан кейінгі оқу орындарында виртуалды қабылдау комиссиялары жұмыс істейді. Олар сізге бейнеконференция арқылы кеңес береді және конкурсқа құжаттарды тапсыруға көмектеседі. Білім беру грантын тағайындау конкурсына қатысу үшін ең төменгі балл Ұлттық тестілеу орталығының сайтында көрсетілген, деп хабарлайды Ғылым және жоғары білім министрлігінің баспасөз қызметі.

Электронды түрде мемлекеттік білім беру гранттарын тағайындау конкурсына қатысу үшін талапкерлерге келесі құжаттар қажет:

Жеке куәлік;
ҰБТ сертификаты;
Фото 3х4;
Орта білім туралы аттестат (ТжКБ ұйымдарының түлектері үшін – диплом);
No 075/у нысандағы медициналық анықтама және No 063/у нысандағы профилактикалық егу картасы;
Жігіттер үшін әскери комиссариаттың тіркеу туралы анықтамасы;
Жеңілдікті санаттар бойынша конкурсқа қатысу үшін басқа да растайтын құжаттар.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.