Маңғыстаудың ең үздік ауыл мектептері мен олимпиада жеңімпаздары марапатталды

2024 жылдың 7 ақпаны күні Ақтау қаласындағы «Абай» атындағы мәдени-демалыс кешенінде 9-11 сынып оқушыларына арналған республикалық пәндік олимпиаданың және ауыл мектептерінің оқушыларына арналған жалпы білім беретін пәндер бойынша республикалық олимпиаданың облыстық кезеңдерінің жабылу салтанаты өтті, деп хабарлайды mangystaumedia.kz.

Салтанатты шарада 456 оқушы: 79 оқушы - І орынмен, 120 оқушы - ІІ орынмен, 257 оқушы - ІІІ орынмен марапатталды. Жеңімпаздар мен жүлдегерлерге диплом мен медальдар табысталды.

Жалпы білім беретін пәндер бойынша республикалық олимпиаданың облыстық кезеңінде көрсеткен үздік нәтижелері үшін «Ең үздік олимпиадалық команда - 2024» номинациясымен келесі командалар марапатталды:

І орын және 200 мың теңге көлеміндегі қаржылай сыйақымен Ақтау қаласының командасы;

ІІ орын және 150 мың теңге көлеміндегі қаржылай сыйақымен «Білім-инновация» лицей-интернатының командасы;

ІІІ орын және 100 мың теңге көлеміндегі қаржылай сыйақымен Мұнайлы ауданының командасы.

Ауыл мектептерінің оқушыларына арналған жалпы білім беретін пәндер бойынша республикалық олимпиаданың облыстық кезеңінде көрсеткен үздік нәтижелері үшін «Ең үздік ауыл мектебі-2024» номинациясымен келесі командалар марапатталды:

І орын және 150 мың теңге көлеміндегі қаржылай сыйақымен Мұнайлы ауданы Шоғы Мұңалұлы атындағы №5 жалпы білім беретін мектеп;

ІІ орын және 120 мың теңге көлеміндегі қаржылай сыйақымен Түпқараған ауданы, Ақшұқыр мектеп-лицейі;

ІІІ орын және 80 мың теңге көлеміндегі қаржылай сыйақымен Мұнайлы ауданы, Қызылтөбе лицейі.

Жалпы білім беретін пәндер бойынша республикалық олимпиаданың облыстық кезеңінде үздік нәтиже көрсеткен мектептер рейтингісі бойынша «Олимпиаданың жаңа есімдерін дайындаушы үздік мектеп-2024» номинациясы және 100 мың теңге көлеміндегі қаржылай сыйақымен - Ақтау қаласы, Н. Марабаев атындағы №7 мектеп-лицейі марапатталды.

Жалпы білім беретін пәндер бойынша республикалық олимпиаданың облыстық кезеңінде жас дарындарды тәрбиелегені үшін «Олимп шыңына жетелеуші» атағы және 50 мың теңге көлеміндегі қаржылай сыйақы келесі мұғалімдерге табысталады:

Алимбеков Хусан Равшанұлы – Жаңаөзен қаласы, Абай Құнанбаев атындағы №19 жалпы білім беретін мектептің физика пәнінің мұғалімі;

Койшибаева Айжан Тұрғанбайқызы – Ақтау қаласы Нәсіпқали Марабаев атындағы №7 мектеп-лицейдің орыс мектептеріндегі қазақ тілі пәнінің мұғалімі.

Жалпы білім беретін пәндер бойынша республикалық олимпиаданың облыстық кезеңінде «Ең жас қатысушы - 2024» номинациясымен француз тілі пәнінен Н.Марабаев атындағы №7 мектеп-лицейдің 6-сынып оқушысы Маджикова Линара және химия пәнінен Жаңаөзен "Білім-инновация" лицей-интернатының 7-сынып оқушысы Әкімбай Ернұр марапатталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.