Маңғыстауда тыйым салынған жерге шомылған азамат теңізге батып кетті

© ТЖД

Қайғылы оқиға кеше Ақтау қаласынан 25 шақырымда орналасқан «Шора» каналында (шомылуға тыйым салынған жер) болған, деп хабарлайды mangystaumedia.kz.

Маңғыстау облысы ТЖД жедел кезекшісіне қоңырау кеше сағат 18:56-да түскен.

«Оқиға орнында үгіт-насихат жұмыстарында жүрген ЖҚЖ қызметкерлері суға батып бара жатырған Т. есімді ер адамды (1981ж.т.) жағадан шамамен 25-30 метр қашықтықта құтқарып, жағаға шығарды. Құтқарылған ер адамның баласы Н. (2003 ж.т.) суға батып кеткен. Баланы сағат 21:30-да жедел құтқару жасағы жағадан шамамен 130 метр қашықтықта, 2,5 метр тереңдіктен тапты», деп хабарлады ТЖД баспасөз қызметі.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.