Маңғыстауда «Достық үйінде» Атыраудан эвакуацияланған азаматтарға арналған пункт ашылды

Атырау облысындағы су тасқынына байланысты Жылыой ауданының тұрғындары Маңғыстау облысына эвакуацияланды. Осыған орай Достық үйінен арнайы көмек көрсетуге арналған пункт ашылды, деп хабарлайды mangystaumedia.kz.

- Қазіргі таңда апатты аумақта жағдай тұрақты. Сондай-ақ, арнайы келіп штабқа көмек қолын созған жандарға алғысым шексіз. Біздің штаб кез келген көмек түріне дайын. Сондай-ақ, көшірілген тұрғындар еріктілер мен белсенді азаматтарға ризашылығын білдіруде,- деді МО ҚХА Төрағасының қоғамдық орынбасары Ирина Беляева.

Сонымен қатар, бұл қайырымдылық көмек штабына тұрмыстық қажеттіліктер, азық-түлік, көкөніс пен ет өнімдері тұрақты түрде жеткізіліп жатыр.

Айта кетейік, эвакуацияланған тұрғындар 34 шағынауданда орналасқан «Достық үйіне» барып қажетті көмекті ала алады. Бұл пункт 9:00-22:00 аралығында жұмыс істейді.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.