Өзен кен орны қазірдің өзінде тиімсіз. Сондықтан, алдағы жылдары, ӨМГ компаниясының қазіргі қаржылық жағдайын сақтау өте қиын болады. Бұл мәселе Үкіметте талқыланған. Көп ұзамай Өзен кен орнын оңалту жобасы басталады, деп хабарлайды mangystaumedia.kz.
Жобаға 10 жыл ішінде шамамен 3 триллион теңге салу көзделіп отыр.
"Ол үшін біз мемлекеттен салық жеңілдіктерін сұрадық, бұл пайдалы қазбаларды өндіруге салынатын салық туралы. Біз қазір оны барлық өндіруші горизонттар бойынша 2,6 пайызға дейін төмендетуді сұраймыз. Кен орнын дамытуға, өндірісті ұлғайтуға мүмкіндік беретін жаңа технологияларға ақша салу қажет. Сонымен қатар, ҚМГ өзі қаражат салады. Бұл мұнай өндіру деңгейін арттыру және оны 10 жыл бойы осы деңгейде ұстап тұру туралы. Егер бұл жұмыстар жүргізілсе, осы уақыт ішінде кен орында мүмкіндік көбейеді", - деді ҚМГ басқарма төрағасының орынбасары Дәулетжан Хасанов брифингте.
Кейін өндіру деңгейі тұрақты түрде төмендейді. Қазір кен орынның қалдық қоры шамамен 140 миллион тоннаны құрайды. Бұл алдағы 20-25 жылға жетеді.
"Бірақ соңғы жылдары олжа тұрақты түрде төмендейтінін түсіну керек, бұл көп адам мен көптеген жұмыс орындарын ұстауға мүмкіндік бермейді. Содан кейін жұмыс орындары азаяды", - деп атап өтті Дәулетжан Хасанов.