Ақтауда тамақты үнемдеген тәрбиешіге қатысты шара қабылданды

© grani.lv

Ақтаудағы №29 бөбекжайда тәрбиеші таңғы ас мезгілінде тәрбиеленушілерге тамақты бала санына жеткіліксіз салған. Кейін жазба әлеуметтік желіге тарады, деп хабарлайды mangystaumedia.kz.

Келеңсіз жағдайға байланысты Маңғыстау облысы білім басқармасының өкілі жауап берді.
Ата-аналардың шағымына байланысты бөбекжайдың бейнежазбасы қаралған. Онда №7 топтың тәрбиешісі тамақты жеткіліксіз салғандығы анық байқалады.

-Топтың тәрбиешісінен түсініктеме алынды. Тәрбиеші таңғы асты балалар үнемі жемей, тамақ қалып қойғандықтан азғантай салғандығын түсіндірген. Тәрбиешіге тәртіп шара қолданылды. Орын алған жағдайға байланысты бөбекжай әкімшілігі ата-анамен кездесіп, кешірім сұраған. Білім бөлімі жанынан арнайы комиссия құрылып, дүйсенбі күнінен бастап зерделеу жұмыстары жүргізіліп жатыр. Зерделеу комиссиясының қорытындысы бойынша тиісті шаралар қабылданатын болады, - деді Маңғыстау облысы білім басқармасы.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.