Ақтау битум зауытында Наурыз Мейрамы аталып өтті

Кеңсе аумағында орнатылған мерекелік киіз үйлерге бұл күні қызметкерлер өз отбасыларымен және балаларымен келді. Салтанатты жағдайда мереке қонақтарын "CASPI BITUM "БК" ЖШС Бас директоры Ерболат Қожабаев пен бас директорының бірінші орынбасары Сун Гуантао құттықтады. Зауыттың дамуына қосқан үлесі үшін кейбір қызметкерлер алғыс хаттармен марапатталды.

Мерекелік концерт және жергілікті әртістердің қатысуымен театрландырылған көрініс барлығына мерекелік көңіл-күй сыйлады. Жастар ұлттық спорт ойындарында: ләңгі, асық, садақ ату, гір көтеру, арқан тарту сияқты тартыстарға құмар болды. Үздік ұлттық костюм конкурсына зауыт жұмысшылары мерекеге дейін дайындалған. Көрермендер мен қазылар алқасына әйелдер мен ерлердің ұлттық костюмдерінің түрлері, олардың сипаттамасы мен пайда болу тарихы ұсынылды. Қазақ әдет-ғұрыптарын білуге арналған викторина да қызу өтті. Балаларды аниматорлар қарсы алып, мереке үлкен мерекелік түскі асқа ұласты.

Қызметкерлерді құттықтауында бас директор Ерболат Қожабаев бүкіл әлем үшін қиын уақытта бұл жаңарудың, бірлік пен өзара көмектің жарқын мерекесі ортақ тарих пен дәстүрлермен біріктірілген еліміздің көпұлтты халқы үшін ерекше мәнге ие болатынын атап өтті.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.