Теңіз жағалауында ұлттық спорттан жарыс өтті

Ұлттық спорттан жарыс 15 шағынаудандағы теңіз жағалауында өтті.

Шараның мақсаты – ұлттық спортты жастар арасында дамыту, жастарды отансүйгіштікке, патриоттық рухқа тәрбиелеп, ынталандыру.
Жарысқа «Болашақ», Ақтау технологиялық қызмет көрсету колледжі және Маңғыстау гуманитарлық колледжінің студенттері қатысты.

Асық атудан 1-орынды №3 орта мектептің оқушылары Батыр Жолдасов пен Мирас Байрамов алды, ал 2-орын Жасұлан Сисенбай мен Әсет Меделбайға бұйырды. Ал жүлделі 3-орынды Диас Байрамбай мен Қаныш Дәулетбайдың қанжығаға байлады.

Гір көтеру бойынша сынға түскен жастардың арасында Мәлік Ахметов топ жарды. 2-орынды Дархан Бүркітбай алса, 3-орынды Мейрамбек Аманқосов еншіледі.

Ал арқан тартудан жүлделі 1-орынды ДТБ – 20-2 оқу тобы алды. 2-орын «Болашақ» колледжінің студенттеріне бұйырды, 3 – орынды ДТА – 20-3 оқу тобының студенттері алды.

Тартысқа толы бәсекеде жеңіс тұғырынан көрінген жастар алғыс хатпен, медаль, арнайы кубокпен марапатталды.

Маңғыстау Медиа

Редакциялық пікір мақала авторлары мен оқырмандардың пікірлеріне сәйкес келмеуі мүмкін. Жазба және пікірлердегі ақпараттың дұрыстығы үшін авторлардың өздері жауапты.